М.Әуезов, Қ.Мұхамеджанов «АЙМАН-ШОЛПАН»

Спектакльдің жүру уақыты 1 сағ. 05 мин.

 

Қоюшы режиссер – 

Қазақстанның еңбек сіңірген қайраткері,

ҚР Мемлекеттік сыйлығының лауреаты 

Нұрқанат ЖАҚЫПБАЙ 

Сай сайға құйғанындай, бай баймен құдаласуға ниетті. Әйтсе де, ажарына көркі, ақылына амалы сай сұлумен сөз байласуға әркім құмар. Оның айқын дәлелі –  Айман мен Шолпан. Маман байдың қос қызы – ақылды да байсалды Айман мен ерке де өткір тілді Шолпанды жар етпекке ниеттілер санында шек жоқ. 

«Айман-Шолпан» пьесасының өн бойында әдемі юмор жатыр. Бай ауылына қыз айттырып келген бір топ сал-сері, бай-бағылан, ақын-батырлар арасындағы бәсеке, текетірес, тайталастан өрбитін комедияның көркемдік бояуы халықтық фольклор мен ұлттық әндердің қиюын тауып, шебер пайдаланылуының арқасында тіпті қалыңдай түседі. 

Осы ерекшелікті терең ұққан режиссер қойылымда ән мен жыр, би мен хор, қыз бен жігіт айтысы сынды ұлттық өнеріміздің жауһар жоралғыларын сәтті тоғыстырады. Синтетикалық өнердің көркемдік шарттарына толықтай жауап беретін комедия сахнаны нағыз өнер мерекесіне айналдырары сөзсіз.  

 

Билет сатып алу